Аймгийн ИТХ-аас сумдын ИТХ-ын нарийн бичгийн дарга нарын НӨУБ-ын 2018 оны ажлын үр дүн, 2019 онд хэрэгжүүлэх зорилтууд, 2018 онд зохион байгуулж хэрэгжүүлсэн ажлын тайланг тавиулж, ажлыг дүгнэх, туршлага солилцох, цаг үеийн ажлын талаар ойлголт, чиглэлтэй болгоход чиглэгдсэн 2 өдрийн сургалт зохион байгууллаа. Сургалтад 12 сумын ИТХ-ын Нарийн бичгийн дарга нараас 11 сумын Нарийн бичгийн дарга нар хамрагдлаа.
Сургалтаар Нутгийн өөрөө удирдах ёсны байгууллагыг төлөвшүүлэх, хөгжүүлэх, захиргааны шийдвэр гаргахад иргэдийн оролцоог нэмэгдүүлж нээлттэй, ил тод байдлыг хангаж сум орон нутгийнхаа нийгэм эдийн засгийн тулгамдсан асуудлыг бие даан шийдвэрлэж нутгийнхаа хөгжилд оруулж байгаа хөдөлмөр зүтгэл, 2018 оны ажлын үзүүлэлтээрээ тэргүүлсэн эхний 3 сумын ИТХ-ыг шагнан урамшууллаа. Ажлын үзүүлэлтээрээ 1 дүгээр байранд Сагсай сум 2 дугаар байранд Өлгий сум, 3 дугаар байранд манай сум шалгарсан юм.
